कोइराला निवासबाट गगन थापाको चेतावनी: विधान मान, नत्र पद छोड

नेपाली कांग्रेसका नेता गगन थापाले पार्टीको नीति र विधानको बर्खिलाप जाने जुनसुकै तहका नेता तथा कार्यकर्तालाई कारबाहीको दायरामा ल्याउने चेतावनी दिएका छन्। मोरङको विराटनगरस्थित शेखर कोइरालाको गृहनिवासमा आयोजित पत्रकार सम्मेलनमा बोल्दै उनले पार्टीको क्रियाशील सदस्यता नवीकरण र अद्यावधिक गर्ने कार्यमा व्यवधान खडा गर्नेहरूलाई तत्काल पदबाट मुक्त गरिने स्पष्ट पारेका हुन्।