नगर प्रहरीले दुर्व्यवहार गरेको भिडिओ भाइरल भएपछि पीडित महिलालाई १० हजार रुपैयाँ क्षतिपूर्ति

वीरेन्द्रनगरमा काफल बेचिरहेकी एक महिलामाथि नगर प्रहरीले दुर्व्यवहार गरेको भिडिओ सामाजिक सञ्जालमा भाइरल भएपछि नगरपालिकाले पीडित महिलालाई १० हजार रुपैयाँ नगद, नयाँ डालो र काफलसहित क्षतिपूर्ति दिएको छ । नगरपालिकाकी मेयर मोहनमाया ढकाल भण्डारीले घटनाको जानकारी पाएपछि महिलालाई कार्यालयमा बोलाएर क्षतिपूर्ति प्रदान गरेकी हुन् । नगर प्रहरीलाई भने विभागीय कारबाही गरिनेछ ।