नेपाली दूतावास

लिस्बनस्थित नेपाली दूतावासले पोर्चुगलको कोइम्ब्रा, मदेइरा र अजोरेस सहरमा घुम्ती शिविर सञ्चालन गर्ने भएको छ । राजधानी लिस्बनबाट टाढा बसोबास गर्ने नेपाली नागरिकलाई लक्षित गरी यो सेवा प्रवाह गर्न लागिएको दूतावासले जनाएको छ । शिविरमा राहदानी नवीकरण, कागजात प्रमाणीकरण र विद्युतीय राहदानीका लागि आवेदन सङ्कलन गरिनेछ ।

परराष्ट्र मन्त्रालयले नेपाली चियाको भारत निर्यातमा देखिएको अवरोध कूटनीतिक पहलपछि हटेको जनाएको छ। मन्त्रालयका प्रवक्ता लोकबहादुर पौडेल क्षेत्रीका अनुसार भारतीय टी बोर्डले जारी गरेको निर्देशिका संशोधन गरिएसँगै चिया निकासी सहज भएको हो। यसका साथै, विदेशमा फसेका नेपालीको उद्धार कार्य जारी रहेको र 'मोफा मित्र' एप जेठ २२ गते सार्वजनिक गरिने मन्त्रालयले जानकारी दिएको छ।