पार्वती

प्रतिनिधिसभा बैठकमा सांसदहरूले दलित समुदायमाथि हुने जातीय विभेद अन्त्य गर्न, सुकुमवासी समस्या समाधान गर्न र राष्ट्रिय स्वतन्त्र पार्टीका सांसद कृष्णकुमार कार्कीमाथि लागेको आरोपबारे सरकारको ध्यानाकर्षण गराएका छन्। सांसदहरूले संविधानमा व्यवस्था गरिएका समानता र सामाजिक न्यायका हक व्यवहारमा कार्यान्वयन नभएको भन्दै सरकारको ध्यानाकर्षण गराएका हुन्।

राष्ट्रिय स्वतन्त्र पार्टी (रास्वपा) का सांसद कृष्णकुमार कार्कीमाथि एक नाइजेरियन युवतीलाई गर्भवती बनाएर अलपत्र पारेको आरोप लागेको छ । नेपाली कांग्रेसकी सांसद निनुकुमारी कर्ण र नेकपाकी सांसद पार्वती विकले प्रतिनिधिसभा बैठकमा यो विषय उठाएकी हुन् । उनीहरूले घटनाको सत्यतथ्य छानबिन गरी पीडितलाई न्याय दिन र दोषीलाई कारबाही गर्न सरकारसँग माग गरेका छन् ।