मदन–आश्रित

नेपाल कम्युनिष्ट पार्टी (एमाले) का उपाध्यक्ष विष्णुप्रसाद पौडेलले पार्टीका तर्फबाट भएका भूल-त्रुटि र गल्ती-कमजोरीहरू स्वीकार गरी जनतासमक्ष आत्मालोचक भएर प्रस्तुत हुन पार्टी पङ्क्तिलाई आग्रह गरेका छन्। मदन-आश्रित स्मृति दिवसका अवसरमा बोल्दै उनले जनताको बहुदलीय जनवादको मर्मलाई आत्मसात् गरी गुमेको जनताको विश्वास पुनः प्राप्त गर्न र एमालेलाई राष्ट्रिय राजनीतिको निर्णायक शक्ति बनाउन दृढ सङ्कल्प गर्नुपर्नेमा जोड दिए। पौडेलले नेपाली कम्युनिष्ट आन्दोलन इतिहासकै सबैभन्दा अप्ठ्यारो र रक्षात्मक अवस्थामा आइपुगेको स्वीकार गर्दै वस्तुनिष्ठ समीक्षा गर्न ढिलाइ भइसकेको बताए।