सीजी

सीजी डिजिटलले उपभोक्ताको व्यस्त जीवनशैलीलाई मध्यनजर गर्दै इलेक्ट्रोनिक्स तथा होम एप्लायन्सेस खरिदका लागि 'एकै छानामुनि सबै ब्रान्ड'को अवधारणा ल्याएको छ। यसले ग्राहकलाई विभिन्न ब्रान्डका उत्पादनहरू एकै स्थानमा अवलोकन, तुलना र खरिद गर्ने सुविधा प्रदान गरी खरिद प्रक्रियालाई सहज बनाएको छ। कम्पनीले ग्राहकलाई विश्वसनीय समाधान प्रदान गर्ने उद्देश्यका साथ यो सेवा विस्तार गरेको जनाएको छ।

नेपालको अग्रणी इलेक्ट्रोनिक्स ब्रान्ड सीजीले बढ्दो गर्मी र उपभोक्ताको आवश्यकतालाई सम्बोधन गर्दै स्ट्यान्ड, वाल, सिलिङ र टेबल फ्यान सेग्मेन्टमा एकैसाथ सातवटा नयाँ फ्यान मोडल सार्वजनिक गरेको छ। यससँगै कम्पनीको फ्यान पोर्टफोलियो ३९ मोडलमा विस्तार भएको छ। कम्पनीका अनुसार यी नयाँ उत्पादनहरूले बजारमा आफ्नो नेतृत्वलाई थप मजबुत बनाउने लक्ष्य राखेका छन्।