भ्रष्टाचार

राष्ट्रिय मानव अधिकार आयोगले भदौ २३ र २४ गतेको जेनजी आन्दोलनका क्रममा मानव अधिकार उल्लंघन गरेको ठहर गर्दै तत्कालीन प्रधानमन्त्री केपी शर्मा ओली, तत्कालीन गृहमन्त्री रमेश लेखक र तत्कालीन सञ्चारमन्त्री पृथ्वी सुब्बा गुरुङविरुद्ध कारबाहीका लागि सरकारलाई सिफारिस गरेको छ। आयोगले हाल प्रचलित कानुनमा सजायको स्पष्ट व्यवस्था नभएकाले नयाँ कानुन बनाएर कारबाही गर्न सुझाव दिएको छ।

राष्ट्रिय मानव अधिकार आयोगले गत भदौ २३ र २४ गते भएको जेनजी आन्दोलनका क्रममा भएका मानव अधिकार उल्लङ्घनका घटनाबारे तयार पारेको प्रतिवेदन सार्वजनिक गरेको छ। आयोगको जेठ १२ गतेको बैठकले गरेको निर्णय र सिफारिस कार्यान्वयनका लागि नेपाल सरकार, प्रधानमन्त्री तथा मन्त्रिपरिषद्को कार्यालयलाई पत्राचार गरिएको छ। प्रतिवेदनले तत्कालीन प्रधानमन्त्री केपी शर्मा ओली लगायतलाई दोषी देखाउँदै कारबाहीको सिफारिस गरेको छ।

राष्ट्रिय मानव अधिकार आयोगले नेपाल प्रहरीका आईजीपी दानबहादुर कार्की र सशस्त्र प्रहरी बलका आईजीपी नारायणदत्त पौडेलसहित जेनजी आन्दोलनको क्रममा मानव अधिकार उल्लंघनमा संलग्न सुरक्षा अधिकारीहरूलाई विभागीय कारबाही गर्न सरकारलाई सिफारिस गरेको छ। आयोगले भदौ २३ र २४ गतेको घटनाहरूको अनुसन्धान प्रतिवेदन सरकारलाई बुझाउँदै दोषीहरूलाई भविष्यमा सरकारी सेवामा समेत जिम्मेवारी नदिने गरी रेकर्ड राख्न भनेको छ।

अख्तियार दुरुपयोग अनुसन्धान आयोगले जिल्ला प्रहरी कार्यालय, कास्कीमा कार्यरत प्रहरी वरिष्ठ हवल्दार विष्णु थापा क्षेत्रीविरुद्ध ५० हजार रुपैयाँ घुस लिएको आरोपमा विशेष अदालतमा भ्रष्टाचार मुद्दा दायर गरेको छ। आयोगका अनुसार क्षेत्रीले लागुऔषध मुद्दामा सहजीकरण गरिदिने र पक्राउ नगरी मिलाइदिने भन्दै सेवाग्राहीसँग घुस मागेका थिए।

अस्वाभाविक सम्पत्ति र विवादित व्यापारिक सम्बन्धको आरोप लागेका पूर्वगृहमन्त्री सुधन गुरुङमाथि छानबिन तीव्र पारिएको छ। छानबिन समितिले धितोपत्र बोर्ड, मालपोत कार्यालय र बैंकहरूलाई पत्राचार गरी गुरुङको सम्पत्ति विवरण माग गरेको छ। समितिले प्रमाण संकलनलाई प्राथमिकता दिँदै आवश्यक कागजात जम्मा पारेपछि गुरुङलाई बयानका लागि बोलाउने तयारी गरेको छ।

राष्ट्रिय स्वतन्त्र पार्टीका सभापति रवि लामिछानेले काठमाडौं जिल्ला अदालतमा उपस्थित भई स्वर्णलक्ष्मी सहकारी बचत अपचलन मुद्दामा तारेख बुझेका छन्। अदालतका सूचना अधिकारी शिव खतिवडाका अनुसार लामिछाने ६० लाख रुपैयाँ धरौटीमा रिहा भएका थिए र उनको अर्को तारेख असार ११ गतेका लागि तोकिएको छ।