पाँचथरमा विद्युतको पोल भाँचिँदा दुई जना घाइते

पाँचथर–इलाम सिमानास्थित घुर्बिसे पञ्चमी बजारमा विद्युतको जीर्ण पोल भाँचिदा दुई जना घाइते भएका छन । घाइते हुनेमा फाल्गुनन्द गाउँपालिका–३ राँके निवासी २७ वर्षीय सफल घिसिङ तामाङ र सुबिसु नेटका एक कर्मचारी रहेको प्रहरीले जनाएको छ । तामाङको हात भाँचिएको छ भने अर्का घाइतेको कानमा चोट लागेको प्रहरीले जनाएको छ । उनीहरूलाई उपचारका लागि जिल्ला अस्पताल इलाम तर्फ पठाइएको प्रहरी चौकी फाक्तेपका इन्चार्ज शेरबहादुर राईले जानकारी दिनुभयो ।