अर्थतन्त्र

सरकारले सार्वजनिक गरेको 'सार्वजनिक संस्थानको वार्षिक स्थिति समीक्षा प्रतिवेदन, २०८३' अनुसार नेपालका ४५ सार्वजनिक संस्थानमध्ये २७ वटा नाफामा र १६ वटा घाटामा सञ्चालित छन्। दुई संस्थान बन्द अवस्थामा छन्। प्रतिवेदनले केही संस्थानले राम्रो नाफा कमाए पनि धेरै संस्थान कमजोर व्यवस्थापन, वित्तीय अनुशासनहीनता र संरचनात्मक सङ्कटबाट गुज्रिरहेको औँल्याएको छ।

जगदम्बा मोटर्सले जेठ १३ देखि १९ गतेसम्म काठमाडौंको भृकुटीमण्डपमा ‘TVS मा Upgrade हान्नेलाई अचम्मैको Deal’ नामक विशेष सातदिने अटोमोटिभ इभेन्ट आयोजना गर्ने भएको छ। यस कार्यक्रममार्फत ग्राहकले जुनसुकै ब्रान्डको पुरानो बाइक वा स्कुटर साटेर नयाँ TVS सवारी खरिद गर्दा आकर्षक एक्सचेन्ज सुविधा, नगद छुट, न्यून किस्ता योजना र छिटो फाइनान्स स्वीकृतिको लाभ लिन सक्नेछन्।

नेपाल प्रहरीको केन्द्रीय अनुसन्धान ब्यूरो (सीआईबी) ले लैनचौरस्थित दुग्ध विकास संस्थान (डीडीसी) बाट अनुसन्धानका लागि महत्त्वपूर्ण कागजात नियन्त्रणमा लिएको छ। सीआईबीका प्रवक्ता प्रहरी वरिष्ठ उपरीक्षक शिवकुमार श्रेष्ठका अनुसार अनुसन्धानपछि थप विषयहरू खुल्नेछन्। डीडीसीले किसानको करोडौँ रकम भुक्तानी गर्न बाँकी रहेको छ।

नागरिक लगानी कोष र नबिल बैंक लिमिटेडबीच बैंकका कर्मचारीहरूको अवकाश कोष व्यवस्थापन गर्ने सम्झौता भएको छ। यस सम्झौताअनुसार नागरिक लगानी कोषले योगदानमा आधारित र गैर-योगदानमा आधारित उपदान कोष तथा अतिरिक्त अवकाश कोषको व्यवस्थापन गर्नेछ। बैंकका कर्मचारीले मासिक वा वार्षिक रूपमा कट्टी गरेको रकम कोषमा जम्मा गर्नेछन्, जसको अभिलेख कोषले राख्नेछ र बैंकको सिफारिसमा सेवा निवृत्त कर्मचारीलाई अवकाश रकम भुक्तानी गरिनेछ।

दुग्ध विकास संस्थान (डीडीसी) ले भुक्तानी नपाएका दूध किसानहरूलाई १२ करोड रुपैयाँ बक्यौता भुक्तानी गरेको छ। कृषि, वन तथा पर्यावरण मन्त्रालयको सुधार कार्ययोजनापछि हाल किसानलाई दैनिक एक करोड रुपैयाँ भुक्तानी भइरहेको छ। पछिल्लो चार महिनाको करिब ५८ करोड रुपैयाँ बक्यौता दायित्वमध्ये १२ करोड भुक्तानी भएको संस्थानले जनाएको छ।

अर्थमन्त्री डा. स्वर्णिम वाग्लेले आर्थिक वर्ष २०८२/८३ को आर्थिक सर्वेक्षण प्रस्तुत गर्दै यस वर्ष नेपालको आर्थिक वृद्धि ३.८५ प्रतिशतमा सीमित रहने बताएका छन्। विश्व अर्थतन्त्रमा देखिएको अनिश्चितता, व्यापार अवरोध र मध्यपूर्वी एसियामा जारी द्वन्द्वका कारण नेपालको अर्थतन्त्रमा असर पर्ने उनको भनाइ छ। यसअघि केपी शर्मा ओली नेतृत्वको सरकारले ६ प्रतिशतको आर्थिक वृद्धि लक्ष्य राखेको थियो।