अनर

स्मार्टफोन ब्राण्ड अनरले नेपाली बजारमा ‘अनर ६००’ र ‘अनर ६०० प्रो’ नामक दुई नयाँ प्रिमियम स्मार्टफोन सार्वजनिक गरेको छ। यी फोनहरू एड्भान्स एआई फिचर, शक्तिशाली प्रोसेसर र प्रिमियम डिजाइनका साथ आएका छन्। कम्पनीका अनुसार, अनर ६०० सिरिजले प्रयोगकर्तालाई दैनिक क्षणलाई सिर्जनात्मक र स्मार्ट अनुभवमा परिवर्तन गर्ने सुविधा दिनेछ।

सेल्ट्रोन नेपाल प्राइभेट लिमिटेडले नेपाली बजारमा अनर ६०० र अनर ६०० प्रो स्मार्टफोन सार्वजनिक गरेको छ। यी नयाँ फोनहरूमा 'एआई इमेज–टु–भिडियो' फिचर, अनर ६०० प्रोमा २०० मेगापिक्सेल क्यामेरा र ७००० एमएएच ब्याट्री मुख्य आकर्षणका रूपमा प्रस्तुत गरिएको छ। कम्पनीले उपभोक्ताका लागि विशेष उपहार योजना र एनआईसी एशिया बैंक तथा माछापुच्छ्रे बैंकसँगको सहकार्यमा किस्ताबन्दी सुविधा पनि ल्याएको छ।