एन्जल भण्डारी

चीनले अलिबाबा ग्रुप होल्डिङ र डीपसीक जस्ता निजी कम्पनीहरूमा कार्यरत उच्च तहका कृत्रिम बुद्धिमत्ता (एआई) विज्ञहरूको विदेश भ्रमणमा प्रतिबन्ध लगाएको छ, जसले आफ्नो प्रविधि सुरक्षित राख्ने प्रयासलाई कडा बनाएको छ। यसैबीच, साओमीले ९.७ इन्च डिस्प्ले र ७६०० एमएएच ब्याट्री भएको रेड्मी प्याड २ नेपाली बजारमा २६ हजार रुपैयाँमा सार्वजनिक गरेको छ।

अमेरिकामा जन्मिएकी नेपाली मूलकी छात्रा एन्जल भण्डारीले प्रतिष्ठित विश्व रोबोटिक्स प्रतियोगितामा उपाधि जितेकी छन्। सेन्ट लुइसमा सम्पन्न प्रतियोगितामा एन्जलको नेतृत्वमा रहेको टोलीले २३-० को शानदार प्रदर्शन गर्दै विश्व कीर्तिमानसहित उपाधि हासिल गरेको हो। विद्यार्थीहरूले रोबोटको डिजाइन, निर्माण, सञ्चालन र प्रस्तुतीकरण आफैंले गरेका थिए।