कवित कटवाल

मोरङमा नक्कली सुनको प्रलोभन देखाएर लुटपाट गर्ने गिरोहका मुख्य योजनाकार धकलबहादुर थिङलाई मोरङ प्रहरीले पक्राउ गरेको छ। थिङले अर्का एक व्यक्तिसँग मिलेर वैशाख २ गते बेलबारीकी ७८ वर्षीया सावित्रादेवी घिमिरेको सुनको सिक्री लुटेको प्रहरीले जनाएको छ। प्रारम्भिक बयानमा थिङले यसअघि पनि वृद्ध महिलालाई नक्कली सुन देखाएर गरगहना लुट्ने काममा संलग्न रहेको स्वीकार गरेका छन्।