कृष्ण कुमार चन्द

रुपन्देहीको लुम्बिनी सांस्कृतिक नगरपालिका क्षेत्रमा नक्कली नेपाली नोट छाप्ने र कारोबार गर्ने गिरोहका दुई जनालाई प्रहरीले पक्राउ गरेको छ। इलाका प्रहरी कार्यालय लुम्बिनीबाट खटिएको टोलीले नोट छाप्ने उपकरण, कम्प्युटर, प्रिन्टर र तयारी नक्कली नोटसहित उनीहरूलाई नियन्त्रणमा लिएको हो। पक्राउ परेका दुई जनामाथि मुद्रा सम्बन्धी कसुरमा अनुसन्धान प्रक्रिया अगाडि बढाइएको जिल्ला प्रहरी कार्यालय रुपन्देहीले जनाएको छ।