कृष्ण पहाडी

चर्चित पत्रकार ऋषि धमलाको नेतृत्वमा ‘स्वतन्त्र नागरिक अभियान नेपाल’ नामक नयाँ अभियानको घोषणा गरिएको छ। जेठ १० गते काठमाडौँको नेपाल प्रज्ञा प्रतिष्ठानमा आयोजित कार्यक्रममा नागरिक समाजका अगुवाहरूले धमलालाई नागरिक आन्दोलनको नेतृत्व लिन आग्रह गरेका छन्। उनीहरूले धमलाको ऊर्जाशील र जनताका मुद्दामा सक्रिय रहने शैलीको प्रशंसा गर्दै नयाँ पुस्ताको नेतृत्व आवश्यक रहेको बताएका छन्।

जेनजी आन्दोलनका घाइते दिपक भाटले सरकारले आफूहरूसँग गरेको सम्झौता कार्यान्वयन नगरे आन्दोलन गर्ने चेतावनी दिएका छन्। उनले सरकारले जेनजी घाइतेहरूको माग पूरा नगरेको भन्दै असन्तुष्टि जनाएका छन्। यसैबीच, पार्टी एकता र महाधिवेशनको मिति घोषणाको माग गर्दै नेविसंघका कार्यकर्ताहरूले नेपाली कांग्रेस केन्द्रीय कार्यालयमा धर्ना दिएका छन्।