जापान सरकार

जापान सरकारले विदेशी व्यवसायीहरूका लागि नयाँ नियमहरू लागू गरेको छ, जसले विशेष गरी नेपाली व्यवसायीहरूलाई त्रसित बनाएको छ। अक्टोबर २०२५ देखि लागू हुने नयाँ नियम अनुसार, जापानमा व्यवसाय गर्न चाहने विदेशीहरूले कम्तिमा तीन करोड रुपैयाँको कम्पनी पुँजी जुटाउनुपर्ने, तीन वर्षको व्यवस्थापन अनुभव वा व्यवस्थापन संकायमा डिग्री हुनुपर्ने, एक जना पूर्णकालीन जापानी वा पीआर होल्डर कामदार राख्नुपर्ने, र कम्पनी मालिकले N2 वा सो सरहको भाषा परीक्षा पास गर्नुपर्ने वा सो सरहको भाषा पास गरेको कामदार राख्नुपर्ने जस्ता शर्तहरू पूरा गर्नुपर्नेछ।

जापान सरकारको आर्थिक सहयोगमा जाजरकोटको भेरी त्रिवेणी माध्यमिक विद्यालयको नवनिर्मित भवन हस्तान्तरण गरिएको छ। बुधबार आयोजित समारोहमा नेपालका लागि जापानी राजदूतावासका उपनियोग प्रमुख सिन्तो यासुहारुले विद्यालय भवन हस्तान्तरण गरेका हुन्। जापान सरकारको ‘ग्रासरुट्स ह्युमन सेक्युरिटी प्रोजेक्ट्स’ अन्तर्गत विद्यालयका लागि करिब १ लाख ७० हजार १५९ अमेरिकी डलर अनुदान सहयोग उपलब्ध गराइएको थियो।

मध्यपूर्वमा जारी तनावका कारण बढ्दो ऊर्जा मूल्यको प्रभावलाई कम गर्न जापान सरकारले आर्थिक वर्ष २०२६ का लागि ३० खर्ब येन (करिव १९ अर्ब अमेरिकी डलर) भन्दा बढीको पूरक बजेट ल्याउने तयारी गरेको छ। प्रधानमन्त्री साने ताकाइचीले यस योजनाको घोषणा गर्दै उक्त पूरक बजेटको मस्यौदा आगामी हप्ता संसदमा पेस गरिने जानकारी दिए। यस अतिरिक्त खर्च प्याकेजले घरपरिवारलाई विद्युत महशुलमा राहत दिने र बढ्दो गर्मीमा एयर कन्डिसनिङको मागलाई सम्बोधन गर्ने अपेक्षा गरिएको छ।