पनौती नगरपालिका

पनौती नगरपालिकाले सरकारको परिपत्रअनुसार रोशी खोला आसपासका जोखिमयुक्त क्षेत्रमा बसोबास गर्ने १३७ सुकुम्बासी परिवारलाई व्यवस्थित गर्ने प्रक्रिया सुरु गरेको छ। नगरप्रमुख रामशरण भण्डारीका अनुसार, वर्षायाममा बाढी र कटानको उच्च जोखिम हुने भएकाले नागरिकको सुरक्षालाई ध्यानमा राखेर उनीहरूका घरटहरा खाली गराउन थालिएको छ। यसका लागि वास्तविक सुकुम्बासीको पहिचान र तथ्याङ्क संकलनको काम भइरहेको छ।