भीमनारायण गोल्डकप

धनकुटामा सहिद भीमनारायण गोल्डकपको १८ औं संस्करणको प्रतियोगिता सुरु भएको छ। उद्घाटन खेलमा सलहेश फुटबल क्लब सिराहाले राष्ट्रिय जागृति क्लब सुनसरीलाई पेनाल्टी सुटआउटमा ४-३ गोलले पराजित गर्दै सेमिफाइनलमा स्थान सुरक्षित गरेको छ। निर्धारित ९० मिनेटको खेल गोलरहित बराबरीमा सकिएपछि खेल पेनाल्टीमा धकेलिएको थियो।

धनकुटामा जारी १८औँ सहिद भीमनारायण गोल्डकप फुटबल प्रतियोगिताको क्वार्टरफाइनलमा झापाको बिर्तामोड युनाइटेड क्लबले गाईघाट युनाइटेड फुटबल क्लबलाई ३-१ गोल अन्तरले पराजित गर्दै सेमिफाइनलमा स्थान सुरक्षित गरेको छ।