मानव सेवा आश्रम

जीवन, परिवार, सम्बन्ध र आफ्नोपनको भावलाई संवेदनशील ढंगले प्रस्तुत गरिएको ‘मेरो आफ्नै संसार’ नामक गीत सार्वजनिक गरिएको छ। सर्जक शंकर पाण्डे मुक्तिको प्रस्तुति रहेको उक्त गीत मानव सेवा आश्रममा आयोजित एक समारोहबीच सार्वजनिक गरिएको हो। गीतबाट प्राप्त आम्दानीको केही हिस्सा समाजसेवामा खर्च गरिने घोषणा गरिएको छ।

मेची-महाकाली राष्ट्रिय उद्धार यात्रा, २०८३ को टोलीले कञ्चनपुरको महेन्द्रनगरबाट दुई जना सडक आश्रित व्यक्तिलाई उद्धार गरी धनगढी मानव सेवा आश्रममा लगेको छ। यस यात्राको क्रममा हालसम्म १२० जनाको उद्धार गरिएको मानव सेवा आश्रमका सदस्य उर्विन सापकोटाले जानकारी दिएका छन्। यो यात्रा सडकपेटीमा कष्टकर जीवनयापन गरिरहेका व्यक्तिहरूको उद्धार गर्ने उद्देश्यले सुरु गरिएको हो।