मुक्ताकुमारी यादव

नेपाली कांग्रेसले पार्टीको १५औँ महाधिवेशनको तयारीका लागि क्रियाशील सदस्यता वितरण र नवीकरण प्रक्रियालाई सहज तथा द्रुत बनाउन सातै प्रदेशमा केन्द्रीय पदाधिकारी तथा सदस्यहरूलाई विशेष जिम्मेवारी तोकेको छ। पार्टी सभापति गगन थापाको उपस्थितिमा बसेको सदस्यता व्यवस्थापन केन्द्रीय समितिको बैठकले जेठ २१ गतेभित्र सदस्यता नवीकरण गरी केन्द्रीय प्रणालीमा प्रविष्ट गर्ने कार्य सम्पन्न गर्नुपर्ने निर्णय गरेको छ। यसका अतिरिक्त, विभिन्न पार्टीबाट समायोजन भएका सदस्यका समस्या समाधान गर्न र जनसम्पर्क समितिको सदस्यता अद्यावधिक गर्न पनि प्रतिनिधि खटाइएको छ।