मुन्दुम ट्रेल

खोटाङको केपिलासगढी गाउँपालिकाले लोपोन्मुख अवस्थामा रहेको भीर मौरीको संरक्षण र पर्यटन प्रवर्द्धन गर्ने उद्देश्यले मह सिकार महोत्सवको आयोजना गरेको छ। कोशी प्रदेश सरकार र पर्यटन, वन तथा वातावरण मन्त्रालयको समन्वयमा आयोजित यस महोत्सवमा आन्तरिक तथा बाह्य पर्यटकको सहभागिता बढेको छ। महोत्सवमा परम्परागत तरिकाले गरिने मह सिकार अवलोकनका साथै स्थानीय साम्पाङ राईहरूको संस्कार र संस्कृतिको अध्ययन गर्ने व्यवस्था मिलाइएको छ।