शर्मिला तामाङ

उदयपुरगढी गाउँपालिका–८ का स्थानीयवासीले कसमस सिमेन्ट उद्योगको चुनढुङ्गा ढुवानीका कारण सडक जीर्ण, वातावरण प्रदूषण र कृषि उत्पादनमा असर परेको भन्दै स्थायी समाधानको माग गरेका छन्। उद्योगका टिपर तथा ट्रकको अत्यधिक आवागमनले सडक जोखिमपूर्ण बनेको, धुलो र हिलोले जनजीवन कष्टकर भएको तथा विद्यार्थी, ज्येष्ठ नागरिक र बिरामीलाई आवतजावतमा समस्या भएको गुनासो छ। स्थानीयले ढुवानीका क्रममा सडकमा खस्ने चुनढुङ्गा र खानीजन्य पदार्थले कृषि उत्पादन प्रभावित पारेको आरोप लगाएका छन्।