शुभम रानाभट

ललितपुरस्थित इन्जिनियरिङ अध्ययन संस्थान, पुल्चोक क्याम्पसमा अध्ययनरत चार नेपाली विद्यार्थीले रकेटमा प्रयोग हुने लिक्विड इन्जिनको सफल परीक्षण गरेका छन्। स्नातक तहको फाइनल प्रोजेक्टका रूपमा करिब ७ महिनाको मेहनतपछि उनीहरूले यो इन्जिन निर्माण गरेका हुन्। सामग्री जुटाउन निकै संघर्ष गर्नुपरेको र स्थानीय बजारमा उपलब्ध पार्टपुर्जाले काम नगरेको विद्यार्थीहरूले बताएका छन्।