स्वस्तिमा खड्का

यसवर्ष २०८३ मा प्रदर्शन भएका चलचित्रहरूमध्ये ‘लालीबजार’ सबैभन्दा बढी कमाउने चलचित्र बनेको छ। चलचित्र विकास बोर्डले सार्वजनिक गरेको तथ्यांकअनुसार ‘लालीबजार’ले गत शनिबारसम्म ५ करोड ७६ लाख ३९ हजार ४७१ रुपैयाँ कमाएको छ। यस चलचित्रले २ लाख बढी दर्शकले हेरिसकेका छन्।

अभिनेता तथा निर्देशक नीर शाहसहितका कलाकर्मीले नेपाली चलचित्र ‘लालीबजार’को विषयवस्तु, निर्देशकीय पक्ष र कलाकारहरूको जीवन्त अभिनयको प्रशंसा गर्दै यसलाई वर्षौंसम्म सम्झिने चलचित्र बनेको बताएका छन् । चलचित्र प्रदर्शन भएदेखि नै दर्शक र कलाकर्मीबाट सकारात्मक प्रतिक्रिया पाइरहेको निर्माण टोलीले जनाएको छ ।

अभिनेत्री स्वस्तिमा खड्का अभिनित नेपाली चलचित्र ‘लालीबजार’ले प्रदर्शनको दुई सातामा पाँच करोड २५ लाख रुपैयाँ ग्रस कलेक्सन गरेको छ। निर्माण कम्पनी षट्कोण आर्ट्सका अनुसार जेठ ७ गतेसम्म उक्त कमाइ भएको हो। चलचित्रले आमा-छोरीको कथा र शिक्षाको महत्वलाई प्रभावकारी ढंगले प्रस्तुत गरेकाले दर्शकबाट सकारात्मक प्रतिक्रिया पाइरहेको छ।

चलचित्र 'लालीबजार'ले वादी समुदायभित्र महिलामाथि हुने संरचनात्मक अन्याय, वर्गीय विभेद र प्रेमले समाजसँग हार्नुपरेको यथार्थलाई चित्रण गर्ने प्रयास गरेको छ। निर्देशक यम थापाले निर्देशन गरेको यो चलचित्रमा स्वस्तिमा खड्काले मधुबालाको मुख्य भूमिका निर्वाह गरेकी छिन्, जसले परिवार पाल्न शरीर बेच्नुपर्ने बाध्यता र अन्तरजातीय प्रेम विवाहपछि समाजबाट अस्वीकृत भएर पुनः पुरानै ठाउँमा फर्किनुपर्ने कथालाई प्रस्तुत गर्दछ।