Celebrity Nepal

बहुप्रतिक्षित नेपाली चलचित्र ‘पाँच पाण्डव’को छायांकन ६६ दिन लगाएर सकिएको छ। निर्देशक वसन्त निरौलाका अनुसार चैत २ गतेबाट सुरु भएको छायांकनमा कुनै सम्झौता नगरिएको र त्यसको प्रभाव पर्दामा देखिनेछ। यो चलचित्र तिहारको बिदालाई लक्षित गर्दै दर्शकमाझ आउने छ।

अभिनेत्री वर्षा शिवाकोटी नयाँ सिनेमा ‘गंगा रानी’मा अनुबन्धित भएकी छन्। निर्माण टिमले उनलाई औपचारिक रूपमा स्वागत गर्दै आकर्षक लुक्ससहितको पोस्टर सार्वजनिक गरेको छ। निर्देशक राजबहादुर सानेका अनुसार सिनेमाको छायांकन भदौको दोस्रो सातादेखि सुरु हुनेछ।

अभिनेत्री रिस्ता गुरुङ नेपाली चलचित्र ‘आबाट आमा २’ मा मुख्य अभिनेत्रीको रूपमा अनुबन्धित भएकी छन्। निर्देशक चन्द्र पन्तले उनलाई चलचित्रको मुख्य भूमिकाका लागि अनुबन्ध गरेको जानकारी दिएका हुन्। यो चलचित्र आगामी असोज ३० गते फूलपातीको अवसर पारेर प्रदर्शनमा आउने तयारीमा छ।

देशव्यापी प्रदर्शनरत चलचित्र ‘काजी’को असारे गीत ‘ज्यानको तिर्खा’ सार्वजनिक गरिएको छ। प्रशान्त सिवाकोटीको शब्द तथा संगीत रहेको यो गीतमा रचना रिमाल र सिवाकोटीकै स्वर सुन्न सकिन्छ। चलचित्रले प्रदर्शनको सुरुवाती चरणमा दर्शकबाट राम्रो प्रतिक्रिया पाइरहेको छ।

नेपाली सांगीतिक क्षेत्रमा सक्रिय गायक तथा सर्जक बियोन्डको नयाँ गीत ‘झिम झिम’ सार्वजनिक गरिएको छ। शनिबार काठमाडौंमा आयोजित विशेष कार्यक्रममा एफएसडी फिल्म्सको प्रस्तुतिमा तयार गरिएको गीत तथा यसको भिडियो सार्वजनिक गरिएको हो। आधुनिक संगीत शैली र रोमान्टिक भावनाको संयोजन रहेको ‘झिम झिम’ले प्रेम, अनुभूति र समकालीन युवापुस्ताको भावनालाई आकर्षक ढंगले अभिव्यक्त गर्ने प्रयास गरेको निर्माण पक्षको भनाइ छ।

अर्थमन्त्री डा. स्वर्णिम वाग्लेले प्रतिनिधिसभामा पेस गरेको आर्थिक वर्ष २०८२/२०८३ को आर्थिक सर्वेक्षण अनुसार, भूकम्पले क्षति पुर्‍याएका ९२० सम्पदा मध्ये ८१५ वटाको पुनःनिर्माण २०८२ फागुन मसान्तसम्म सम्पन्न भएको छ। विश्वसम्पदा सूचीमा सूचीकृत केही सम्पदा अझै पुनःनिर्माण हुन बाँकी छ।