Photo · taksarnews.com
नेपालका प्रमुख शैक्षिक परामर्श व्यवसायी संस्थाहरूले नयाँ शैक्षिक परामर्श संस्था दर्ता प्रक्रिया तत्काल खोल्न सरकारसँग माग गरेका छन्। स्वतन्त्र शैक्षिक परामर्श संघ नेपाल, राष्ट्रिय शैक्षिक परामर्श संघ, ऐरी नेपाल र नेपाल शैक्षिक परामर्श सेवा संघले संयुक्त पत्रकार सम्मेलन गरी लामो समयदेखि दर्ता प्रक्रिया नखुल्दा सयौं व्यवसायी अन्योलमा परेको बताएका छन्। ऐरी नेपालका महासचिव राजेन्द्र रिजालले केही कर्मचारीले परामर्श क्षेत्रलाई अन्योलतर्फ धकेल्ने प्रयास गरेको आरोप लगाएका छन्।
काठमाडौं महानगरपालिकामा कक्षा ११ र १२ को छात्रवृत्तिका लागि २६,८८८ विद्यार्थीको आवेदन
काठमाडौं महानगरपालिका भित्रका विद्यालयहरूबाट कक्षा ११ र १२ मा छात्रवृत्ति प्राप्त गर्न २६,८८८ जना विद्यार्थीले अनलाइन आवेदन फाराम भरेका छन्। यसरी आवेदन दिनेमा १६,५४९ छात्र, १०,३३३ छात्रा र ६ जना अन्य छन्। आवेदकमध्ये २३,४९९ जनाको आवेदन स्वीकृत भइसकेको छ भने ८४ आवेदन अस्वीकृत भएका छन्।
नासा कलेजले डिजिटल लर्निङ र भविष्यकेन्द्रित शिक्षामा जोड दिने
राष्ट्रिय परीक्षा बोर्डले एसईई नतिजा सार्वजनिक गरेसँगै विद्यार्थीहरू नयाँ कलेजको खोजीमा छन्। यस सन्दर्भमा, काठमाडौंको तीनकुनेमा रहेको नासा कलेजले डिजिटल लर्निङ र भविष्यकेन्द्रित शिक्षा प्रदान गर्ने बताएको छ। कलेजका प्रबन्ध निर्देशक दीपक न्यौपानेले विद्यार्थीहरूलाई परीक्षा पास गराउनुका साथै एआई युगमा प्रतिस्पर्धा गर्न सक्ने सीप सिकाउने दाबी गरेका छन्।
शिक्षा मन्त्रालयको प्रगति: दिवा खाजामा ३ अर्ब ७६ करोड खर्च, २८ लाख विद्यार्थी लाभान्वित
शिक्षा तथा खेलकुद मन्त्रालयले आर्थिक वर्ष २०८२/८३ को चैत मसान्तसम्मको प्रगति विवरण सार्वजनिक गरेको छ। मन्त्रालयका अनुसार सामुदायिक विद्यालयका प्राथमिक तहका विद्यार्थीका लागि सञ्चालित दिवा खाजा कार्यक्रममा हालसम्म ३ अर्ब ७६ करोड ६८ लाख रुपैयाँ खर्च भएको छ, जसबाट देशभरिका २८ लाख २४ हजार ५८१ बालबालिका लाभान्वित भएका छन्। यसैगरी, छात्राहरूका लागि सञ्चालित निःशुल्क स्यानिटरी प्याड वितरण कार्यक्रममा २२ करोड ३ लाख रुपैयाँ खर्च भई ९ लाख ४७ हजार ६८० छात्रा लाभान्वित भएका छन्।
स्वदेशमै उच्च शिक्षा अध्ययन गर्ने विद्यार्थी १०.९ प्रतिशतले बढे
आर्थिक वर्ष २०८१/८२ मा स्वदेशमै उच्च शिक्षा अध्ययन गर्ने विद्यार्थीको संख्या १०.९ प्रतिशतले वृद्धि भई सात लाख ४५ हजार ७७० पुगेको छ। यस अवधिमा कुल विद्यार्थीमध्ये व्यवस्थापन संकायमा सबैभन्दा बढी ५०.५ प्रतिशत विद्यार्थी रहेका छन्।
