क्रिस्टल प्यालेसले पहिलो युरोपियन उपाधि जित्यो, माटेटाको निर्णायक गोल

विश्व फुटबलको सर्वोच्च निकाय फिफाले सन् २०२६ को विश्वकपअघि इरानको राष्ट्रिय टोलीका लागि बहुप्रवेशी भिसाको व्यवस्था गर्ने अपेक्षा इरानको फुटबल महासङ्घले गरेको छ । यसैबीच, नेपालका रवीन्द्र ढाँटले यूएफसीको छनोट प्रतियोगिता रोड टु युएफसी ५ मा फिलिपिन्सका प्रतिस्पर्धी किम्बर्ट अलिन्टोजोनलाई दोस्रो राउन्डमा पराजित गर्दै सेमिफाइनल यात्रा तय गरेका छन् ।

नेपाली एमएमए फाइटर रविन्द्र ढाँटले ‘रोड टु युएफसी’ सिजन ५ को ब्यान्टमवेट विधाको क्वाटरफाइनलमा फिलिपिन्सका किम्बर्ट अलिन्टोजोनलाई पराजित गर्दै सेमिफाइनलमा प्रवेश गरेका छन्। मकाउस्थित ग्यालेक्सी एरेनामा भएको खेलमा ढाँटले दोस्रो राउन्डमै जित हासिल गरेका हुन्। यस जितसँगै उनको व्यावसायिक एमएमए करियरमा १०औं जित दर्ता भएको छ।

इरान फुटबल महासंघले सन् २०२६ को विश्वकपका लागि आफ्ना खेलाडी तथा टोलीलाई अमेरिकाको बहुप्रवेश भिसा उपलब्ध गराउन फिफासँग माग गरेको छ। महासंघका अध्यक्ष मेहदी ताजले खेलाडीहरूले अमेरिकामा प्रवेश गरेर पुनः मेक्सिको फर्कन सक्ने व्यवस्था आवश्यक रहेको बताएका छन्। अमेरिकी भिसा नियमका कारण टोलीको यात्रा प्रभावित हुन सक्ने आशंका व्यक्त गर्दै फिफाले आवश्यक समन्वय गर्नुपर्ने महासंघको भनाइ छ।

नेपाल क्रिकेट संघ (क्यान) ले सिंगापुरमा आयोजना हुने एसियन गेम्स पुरुष क्रिकेट छनोट प्रतियोगिताका लागि दीपेन्द्र सिंह ऐरीको कप्तानीमा १४ सदस्यीय नेपाली टोली घोषणा गरेको छ। यो प्रतियोगिताबाट शीर्ष चार टोलीले सन् २०२६ मा जापानमा हुने एसियन गेम्समा स्थान सुरक्षित गर्नेछन्।