ताप्लेजुङको पाथीभरा देवीस्थानमा वैशाख महिनामा मात्र रु एक करोड ६ लाख २८ हजार भेटी संकलन भएको छ। पाथीभरा क्षेत्र विकास समितिले जनाएअनुसार चैत र वैशाख महिनामा भक्तजनको बढी चहलपहल हुने गर्दछ। यस अवधिमा संकलित भेटी अघिल्ला महिनाहरूको तुलनामा निकै बढी हो।
sansarnews.com
पत्रकार ऋषि धमलाद्वारा बकर इदको शुभकामना, राष्ट्रिय एकता र भाइचारा सुदृढ पार्न जोड
चर्चित पत्रकार ऋषि धमलाले बकर इद (ईद–उल–अजहा) को अवसरमा देश–विदेशमा रहेका सम्पूर्ण मुस्लिम समुदायमा शुभकामना व्यक्त गरेका छन्। उनले यस पर्वले नेपाली समाजमा आपसी सद्भाव, प्रेम, भाइचारा, सहिष्णुता र राष्ट्रिय एकतालाई अझ सुदृढ बनाउन प्रेरणा दिने विश्वास व्यक्त गरेका छन्।
खुलामञ्चमा बकर इद पर्व मनाइयो, शान्ति र समृद्धिको कामना
मुस्लिम धर्मावलम्बीहरूको दोस्रो महान् पर्व बकर इद काठमाडौँको खुलामञ्चमा धार्मिक श्रद्धा, सामाजिक सद्भाव र उत्साहका साथ मनाइएको छ । यस अवसरमा सयौँ मुस्लिम धर्मावलम्बीले सामूहिक नमाज अदा गर्दै देशमा शान्ति, सहिष्णुता र आपसी एकताको कामना गरेका थिए । डा. अबुल हुसैन अन्सारीका अनुसार यो पर्व त्याग, अनुशासन, मानव सेवा र सामाजिक उत्तरदायित्वको सन्देश दिने विशेष अवसर हो ।
बाँकेमा बकर ईद धुमधामका साथ मनाइयो, सामूहिक नमाज पढियो
इस्लाम धर्मावलम्बीहरूको दोस्रो ठूलो पर्व ईद–उल–अजहा (बकर ईद) बाँकेमा विभिन्न धार्मिक कार्यक्रमका साथ बिहीबार धुमधामले मनाइयो। त्याग, बलिदान र कुर्बानीको पर्वका रूपमा चिनिने यो पर्व तीन दिनसम्म मनाइन्छ। नेपालगन्जस्थित मुख्य ईदगाहमा सामूहिक नमाजका लागि ठुलो सङ्ख्यामा मुस्लिम समुदाय पुगेका थिए।
एमाले अध्यक्ष ओलीद्वारा बकर इदको शुभकामना, धार्मिक सहअस्तित्वमा जोड
नेपाल कम्युनिष्ट पार्टी (एमाले) का अध्यक्ष केपी शर्मा ओलीले स्वदेश तथा विदेशमा रहेका सम्पूर्ण नेपाली मुस्लिम समुदायमा बकर इदको शुभकामना व्यक्त गरेका छन्। शुभकामना सन्देशमा उनले नेपाल विविध आस्था, संस्कार र सभ्यताको संगम भएको र यहाँका विभिन्न धार्मिक स्वरहरू सहअस्तित्वको सङ्गीत बनेर गुञ्जिएको बताएका छन्। ओलीले नेपालको शक्ति विविधताबीचको एकता र सहिष्णुतामा रहेको उल्लेख गरेका छन्।
