Photo · gorkhapatraonline.com
मेक्सिकोले २०२६ को विश्वकपमा इरानी फुटबल टोलीलाई आतिथ्यता दिन आफू तयार रहेको बताएको छ। इरानले अमेरिकाको एरिजोनाको सट्टा मेक्सिकोको तिजुआनामा बस्न चाहेको थियो र मेक्सिकोले उक्त प्रस्ताव स्वीकार गरेको छ। मेक्सिकोकी राष्ट्रपति क्लाउडिया शेनबाउमले इरानी टोलीको व्यवस्थापनमा कुनै समस्या नहुने बताएकी छन्।
काभा महिला भलिबल: माल्दिभ्सलाई हराउँदै नेपाल सेमिफाइनलमा प्रवेश
नेपालले काभा महिला भलिबल च्याम्पियनसिपको सेमिफाइनलमा स्थान पक्का गरेको छ। आइतबार समूह चरणको अन्तिम खेलमा माल्दिभ्सलाई ३-० को सोझो सेटमा पराजित गर्दै नेपालले लगातार दोस्रो जित हासिल गरेको हो। यस जितसँगै नेपाल ७ अंक जोड्दै समूह 'ए' को शीर्ष स्थानमा उक्लियो।
नेदरल्यान्ड्सले फिफा विश्वकप २०२६ का लागि २६ सदस्यीय टोली घोषणा गर्यो
आगामी जुन ११ देखि जुलाई १९ सम्म अमेरिका, क्यानडा र मेक्सिकोमा आयोजना हुने फिफा विश्वकप २०२६ का लागि नेदरल्यान्ड्सले २६ सदस्यीय टोलीको घोषणा गरेको छ। प्रशिक्षक रोनाल्ड कोम्यानले बुधबार राति टोलीको घोषणा गरेका हुन्। यसअघि तीन पटक फाइनलमा पुगेर पनि उपाधि जित्न नसकेको नेदरल्यान्ड्स यसपटक समूह 'एफ' मा जापान, स्वीडेन र ट्युनिसियासँगै परेको छ।
दृष्टिविहिन चेस प्रतियोगिता सम्पन्न, सन्देश स्याङ्बो च्याम्पियन
नेपालमा पहिलोपटक आयोजित दुई दिने ‘पभिलियन दृष्टिविहिन चेस प्रतियोगिता’ सम्पन्न भएको छ। राष्ट्रिय सहकारी महासंघ हरिहरभवनमा आयोजित प्रतियोगितामा आदर्श सेकेण्डरी स्कुलका सन्देश स्याङ्वोले उपाधि जितेका छन्। प्रतियोगितामा महिलातर्फ ल्यावोटरी स्कूल, किर्तिपुरकी ऋतिका घिमिरे प्रथम भइन्।
विप्लव घोष कोशी प्रदेश खेलकुद विकास बोर्डको सदस्यसचिव नियुक्त
सुनसरीका विप्लव घोष कोशी प्रदेश खेलकुद विकास बोर्डको सदस्यसचिवमा नियुक्त भएका छन्। प्रदेश सरकारले सामाजिक विकासमन्त्री रामप्रसाद महतोको सिफारिसमा प्रदेश खेलकुद ऐन र अध्यादेशबमोजिम उनलाई चार वर्षका लागि नियुक्त गरेको हो। यससँगै करिब आठ महिनादेखि नेतृत्वविहीन रहेको बोर्डले पूर्णता पाएको छ।
