Photo · nagariknews.nagariknetwork.com
अफ्रिका रोग नियन्त्रण तथा रोकथाम केन्द्र (अफ्रिका सीडीसी) ले लोकतान्त्रिक गणतन्त्र कंगो (डीआरसी) र युगान्डामा बढ्दो इबोला प्रकोपलाई मध्यनजर गर्दै महादेशव्यापी सार्वजनिक स्वास्थ्य आपतकाल घोषणा गरेको छ। सीडीसीका महानिर्देशक जिन कासेयाले यो घोषणाले क्षेत्रीय समन्वयलाई बलियो बनाउन, आपतकालीन स्रोतहरू परिचालन गर्न र छिमेकी देशहरूमा तयारी प्रयासलाई गति दिन मद्दत गर्ने बताएका छन्। तीव्र सीमापार आवागमन, असुरक्षा र कमजोर सङ्क्रमण नियन्त्रण उपायहरूले क्षेत्रीय फैलावटको जोखिम बढाउन सक्ने चेतावनी दिइएको छ।
नेकपा संयोजक पुष्पकमल दाहाल ‘प्रचण्ड’ निमोनिया र संक्रमणका कारण अस्पताल भर्ना
नेपाली कम्युनिस्ट पार्टी (नेकपा) का संयोजक पुष्पकमल दाहाल ‘प्रचण्ड’ स्वास्थ्यमा समस्या देखिएपछि ललितपुरस्थित मेडिसिटी अस्पतालमा भर्ना भएका छन्। विगत तीन दिनदेखि रुघाखोकी र ज्वरो आएका कारण स्वास्थ्य परीक्षण गर्दा उनमा निमोनिया र रगतमा संक्रमण पुष्टि भएको हो। चिकित्सकहरूको सुझावपछि उनलाई अस्पतालमै भर्ना गरेर उपचार सुरु गरिएको छ।
अभिनेत्री रेखा थापा मेदान्त आयुर्वेद अस्पतालको ब्रान्ड एम्बास्डरमा नियुक्त
अभिनेत्री रेखा थापा मेदान्त आयुर्वेद अस्पतालको ब्रान्ड एम्बास्डरमा नियुक्त भएकी छन्। आगामी एक वर्षका लागि अस्पताल र थापाबीच यो व्यावसायिक सम्झौता भएको हो। सम्झौता अनुसार, थापाले अस्पतालका विभिन्न प्रचार प्रसार, प्रवद्र्धनात्मक गतिविधि र स्वास्थ्य सचेतना अभियानहरूमा सक्रिय सहभागिता जनाउनेछिन्।
नेपाल चिकित्सक सङ्घको सम्मेलन चितवनमा सुरु, स्वास्थ्य सेवा सुधारमा छलफल
नेपाल चिकित्सक सङ्घको आयोजनामा चितवनमा ‘अल नेपाल मेडिकल कन्फ्रेन्स ‘एनएमए कन २०२६’ सुरु भएको छ । आइतबारसम्म चल्ने यस सम्मेलनमा नेपाल, भारत र चीनका विशेषज्ञ चिकित्सक, नर्स, स्वास्थ्यकर्मी तथा विश्व स्वास्थ्य सङ्गठन र स्वास्थ्य मन्त्रालयका प्रतिनिधि सहभागी छन् । सम्मेलनमा प्राथमिक स्वास्थ्य सेवा सुधार, डिजिटल हेल्थ, ग्रामीण स्वास्थ्य पहुँच, स्वास्थ्य बीमा र मानव संसाधन व्यवस्थापन जस्ता विषयमा छलफल भइरहेको छ ।
स्वास्थ्य बीमा बोर्डद्वारा निजी अस्पतालमा आकस्मिकबाहेकका सेवा स्थगित
स्वास्थ्य बीमा बोर्डले वित्तीय संकटको कारण देखाउँदै जेठ १६ गतेदेखि लागू हुने गरी निजी स्वास्थ्य संस्थामा आकस्मिकबाहेकका सबै स्वास्थ्य बीमा सेवा स्थगित गरेको छ। बोर्डको जेठ ११ गते बसेको बैठकले गरेको यो निर्णयले स्वास्थ्य बीमा कार्यक्रममा आबद्ध निजी स्वास्थ्य संस्थाहरूबाट प्रदान गरिने नियमित सेवाहरू अर्को सूचना नभएसम्मका लागि बन्द रहनेछ।
