बेलायतको गुप्तचर निकायको दाबी: युक्रेन युद्धमा पाँच लाख रुसी सैनिक मारिए

इरानले आफ्नो देशमाथि अमेरिकाले गरेको नयाँ हवाई आक्रमणलाई 'युद्धविरामको गम्भीर उल्लंघन' भएको दाबी गरेको छ। अमेरिकी सेन्ट्रल कमान्डले दक्षिणी इरानमा 'आत्मरक्षाका लागि' भन्दै इरानी मिसाइल केन्द्र र समुद्री बारुद बिछ्याउन खोजिरहेका डुङ्गाहरूलाई लक्षित गरी आक्रमण गरेको जनाएको छ। इरानी विदेश मन्त्रालयले यस 'आक्रामक र अनुचित कदम' को परिणामको जिम्मेवार अमेरिका नै हुनुपर्ने बताएको छ।

इजरायली सेनाले हिजबुल्लाहविरुद्ध कारबाहीको तयारी गर्दै दक्षिण लेबनानका ठूला भूभागलाई युद्ध क्षेत्र घोषणा गरी बासिन्दालाई तत्काल खाली गर्न आदेश दिएको छ। इजरायल डिफेन्स फोर्स (आईडीएफ) ले हिजबुल्लाहले युद्धविराम उल्लंघन गरेको आरोप लगाउँदै कडा कारबाही गर्ने चेतावनी दिएको छ। यसले अप्रिल १७ मा युद्धविराम लागू भएयताकै सबैभन्दा ठूलो विस्थापनको खतरा बढाएको छ।

इजरायली सेनाले लेबनान सीमा नजिक हिजबुल्लाहको ड्रोन आक्रमणमा एक सैनिकको मृत्यु भएको जनाएको छ, जसले इरान समर्थित समूहसँगको युद्धमा इजरायली हताहतको संख्या २४ पुर्‍याएको छ। यस घटनापछि इजरायली सेनाले लेबनानको जाजानी नदीभन्दा दक्षिणका सबै क्षेत्रलाई 'युद्ध क्षेत्र' घोषणा गरेको छ।

राष्ट्रिय मानव अधिकार आयोगले गत भदौ २३ र २४ गते भएको जेनजी आन्दोलनका क्रममा सिंहदरबार, सर्वोच्च अदालत र राष्ट्रपति भवनजस्ता अति संवेदनशील संरचनाहरूमा भएको क्षति रोक्न नसक्नुमा नेपाली सेनाको कमजोरी रहेको निष्कर्ष निकालेको छ। आयोगको प्रतिवेदनले नेपाली सेनाले जनअपेक्षाअनुसार राष्ट्रिय सम्पत्तिको सुरक्षा गर्न नसकेको र नागरिकको मानव अधिकार संरक्षणमा संवेदनशील नभएको औंल्याएको छ।