ईद–उल–अजहा

चर्चित पत्रकार ऋषि धमलाले बकर इद (ईद–उल–अजहा) को अवसरमा देश–विदेशमा रहेका सम्पूर्ण मुस्लिम समुदायमा शुभकामना व्यक्त गरेका छन्। उनले यस पर्वले नेपाली समाजमा आपसी सद्भाव, प्रेम, भाइचारा, सहिष्णुता र राष्ट्रिय एकतालाई अझ सुदृढ बनाउन प्रेरणा दिने विश्वास व्यक्त गरेका छन्।

इस्लाम धर्मावलम्बीहरूको दोस्रो ठूलो पर्व ईद–उल–अजहा (बकर ईद) बाँकेमा विभिन्न धार्मिक कार्यक्रमका साथ बिहीबार धुमधामले मनाइयो। त्याग, बलिदान र कुर्बानीको पर्वका रूपमा चिनिने यो पर्व तीन दिनसम्म मनाइन्छ। नेपालगन्जस्थित मुख्य ईदगाहमा सामूहिक नमाजका लागि ठुलो सङ्ख्यामा मुस्लिम समुदाय पुगेका थिए।