उज्ज्वल खड्का

नेपाल प्रहरीले पहिलो पटक सरकारी स्तरमा ‘ह्याक फर सेफ्टी’ नामक ह्याकाथन आयोजना गर्दैछ। लुम्बिनी प्रदेश प्रहरी कार्यालयले बुटवलस्थित प्रहरी तालिम केन्द्रमा ३० र ३१ जेठमा आयोजना गर्ने यो कार्यक्रमको उद्देश्य प्रविधिको प्रयोगमार्फत सार्वजनिक सुरक्षा सुदृढ बनाउनु र प्रहरी-नागरिक सम्बन्ध सुमधुर पार्नु हो। देशभरका डेभलपर, प्रोग्रामर र प्रविधिमा रुचि राख्ने जोकोहीले यसमा निःशुल्क सहभागिता जनाउन सक्नेछन्।