ऐसेलुखर्क गाउँपालिका

खोटाङको केपिलासगढी र ऐसेलुखर्क गाउँपालिका जोड्ने रावा खोलामा निर्माणाधीन ६६ मिटर लामो झोलुङ्गे पुल सम्झौता भएको करिब पाँच वर्ष बितिसक्दा पनि अलपत्र परेको छ। भौतिक पूर्वाधार विकास कार्यालय उदयपुरमार्फत सुरु भएको उक्त पुलको ८४.४६ प्रतिशत काम सम्पन्न भए पनि डेक जाली लगायतका काम बाँकी रहेका छन्। उपभोक्ता समितिले काम सम्पन्न नगरेर बेपत्ता भएको कार्यालयले जनाएको छ।