ओखलढुङ्गा

नेपाली माटोलाई कर्मथलो बनाएका अमेरिकी समाजसेवी तथा फोटो पत्रकार स्कट म्याकलेननको क्यान्सर रोगका कारण बुधबार निधन भएको छ। सन् २००६ देखि नेपालमा सक्रिय रहेका म्याकलेननले दुर्गम क्षेत्रमा स्वास्थ्य र शिक्षाको पहुँच पुर्‍याउन 'द माउन्टेन फन्ड' नामक संस्था स्थापना गरी महत्वपूर्ण योगदान पुर्‍याएका थिए। उनले भूकम्पपछिको उद्धार र राहत वितरणमा पनि सक्रिय भूमिका खेलेका थिए।