धादिङ

पृथ्वीराजमार्गका होटल तथा रेस्टुरेन्टहरूमा गुणस्तरहीन खाना र अखाद्य सामग्री प्रयोग हुने गरेको पाइएको छ। धादिङमा सडेको तरकारी फेला परेपछि ब्लू हेभन रेस्टुरेन्ट एन्ड बारलाई २५ हजार रुपैयाँ जरिवाना गरिएको छ। यात्रुहरूले राजमार्ग क्षेत्रका होटलहरूमा गुणस्तरीय खानाको अभाव रहेको गुनासो गरेका छन्।

धादिङको रुबीभ्याली गाउँपालिका-३ मा साइक्लिङ गरिरहेका एक पुरुष भीरबाट करिब २०० मिटर तल खसेर अड्किएपछि नेपाली सेनाको टोलीले उनको उद्धार गरेको छ। जेठ १० गते भएको उक्त घटनामा घाइते भएका पुरुषलाई घटनास्थलमै प्राथमिक उपचार गरी सात किलोमिटर स्ट्रेचरमा बोकेर हेलिकोप्टरमार्फत काठमाडौँ पठाइएको छ।

धादिङमा आइतबार साँझ काठमाडौँबाट पोखराका लागि छुटेको माइक्रोबस कृष्णभिरमा ब्रेक फेल भई दुर्घटना हुँदा ६ जना घाइते भएका छन्। यसैगरी, गोरखाको मनकामना सडक खण्डमा बोलेरो जिप सडकबाट करिब ५० मिटर तल नदीमा खस्दा दुई जना गम्भीर घाइते भएका छन्। दुवै दुर्घटनामा घाइतेहरूको स्थानीय अस्पतालमा उपचार भइरहेको छ।

मकवानपुरको भीमफेदी गाउँपालिका–८ भर्‍याङडाँडामा शुक्रबार बिहान डिब्बा ट्रक पल्टिँदा कान्तिलोकपथ पूर्ण रूपमा अवरुद्ध भएको छ। प्रहरीका अनुसार हेटौँडाबाट काठमाडौँतर्फ जाँदै गरेको ट्रक सडकमा रहेको ढुंगामा चक्का चढेपछि अनियन्त्रित भई पल्टिएको हो। दुर्घटनामा ट्रक चालकसहित तीन जना सवार रहेकामा दुई जना सामान्य घाइते भएका छन्।

नेपाली सेनाले विगतका अनुभवका आधारमा यस वर्षको मनसुनका लागि पूर्वतयारी तथा प्रतिकार्य योजना कार्यान्वयनमा ल्याएको छ। यस योजनाअन्तर्गत विपद्को समयमा तत्काल परिचालन हुन सक्नेगरी फौज, उद्धार टोली, हेलिकप्टर र बेलिब्रिज तयारी अवस्थामा राखिएको छ। सेनाले सङ्घीय, प्रदेश र स्थानीय सरकारका निकाय, अन्य सुरक्षा निकाय, गैरसरकारी संस्था तथा स्थानीय समुदायसँग सहकार्य र समन्वयलाई प्राथमिकता दिएको छ।

नेपाली सेनाले संविधान र राष्ट्रिय सुरक्षा नीति अनुरूप देशका विभिन्न दुर्गम तथा विपद् प्रभावित क्षेत्रमा ५० वटा बेलिबृज निर्माण गरी यातायात पहुँच विस्तार गरेको छ। यी पुलहरूको कुल लम्बाइ २ हजार ११८ दशमलव ६५ मिटर रहेको छ र यसले ग्रामीण क्षेत्रका नागरिकलाई शिक्षा, स्वास्थ्य, बजार तथा सेवा सुविधासम्म पहुँच विस्तार गर्न महत्वपूर्ण योगदान पुर्‍याएको छ।