किरण थापा

चार वर्षअघि नै निर्माण सम्पन्न हुनुपर्ने रामेछापको उमाकुण्ड गाउँपालिका–३ कुभुकास्थलीस्थित स्वास्थ्य चौकीको भवन निर्माणकार्य अझै अलपत्र परेको छ। निर्माण व्यवसायी र सम्बन्धित कार्यालयको लापरबाहीका कारण काम रोकिनुका साथै कामदारहरूले पाँच वर्षदेखि आफ्नो पारिश्रमिकसमेत पाएका छैनन्। यस विषयमा बागमती प्रदेशका स्वास्थ्यमन्त्री किरण थापा मगरले ठेक्का लिएर लामो समयसम्म काम नगर्ने तथा मजदुरलाई ठग्ने निर्माण व्यवसायीलाई कारबाहीको दायरामा ल्याइने बताएका छन्।