गणेशमान सिंह

नेपाली कांग्रेसका नेता नैनसिंह महरले पार्टीभित्र एकता, विश्वास र सहकार्य आजको आवश्यकता भएको बताएका छन्। धनगढीमा आयोजित एक कार्यक्रममा बोल्दै उनले फुटेर नभई जुटेर नै कांग्रेस र देश बलियो हुने धारणा राखे। महरले कांग्रेस लोकतन्त्र, त्याग, बलिदान र जनताको आशाको केन्द्र भएको उल्लेख गर्दै पार्टीभित्र बृहत् एकताका साथ १५औँ महाधिवेशनमा होमिनुको विकल्प नभएको स्पष्ट पारे।

गण्डकी प्रदेशका मुख्यमन्त्री सुरेन्द्रराज पाण्डेले विश्वमा शक्ति राष्ट्रहरूबीचको द्वन्द्वले सामाजिक र आर्थिक क्षेत्र प्रभावित भएकाले नेपालले सन्तुलित कूटनीति अपनाउनुपर्ने बताएका छन् । पोखरामा आयोजित एक कार्यक्रममा बोल्दै उनले राष्ट्रिय हितको संरक्षणका लागि नेपालीहरू एकताबद्ध हुनुपर्नेमा जोड दिए ।

गण्डकी प्रदेशका मुख्यमन्त्री सुरेन्द्रराज पाण्डेले विश्व राजनीतिमा देखिएको विद्यमान परिस्थितिमा नेपालले सन्तुलित कूटनीति अपनाउँदै अघि बढ्नुपर्ने बताएका छन्। पोखरामा आयोजित एक कार्यक्रममा बोल्दै उनले शक्ति राष्ट्रबीचको द्वन्द्वले विश्वको सामाजिक र आर्थिक क्षेत्र प्रभावित भएको उल्लेख गरे। पाण्डेले राष्ट्रिय हितको संरक्षणका लागि नेपालीहरू एकताबद्ध हुनुपर्नेमा जोड दिए।

प्रमुख प्रतिपक्षी दल नेपाली कांग्रेसभित्र संस्थापनइतर समूहले काठमाडौंको अनामनगरमा छुट्टै सम्पर्क कार्यालय स्थापना गरी राजनीतिक तथा संगठनात्मक गतिविधि औपचारिक रूपमा सुरु गरेको छ। यस कदमलाई पार्टी विभाजनको डिलमा पुगेको र समानान्तर शक्ति केन्द्र निर्माणको प्रारम्भिक संकेतका रूपमा हेरिएको छ। संस्थापनइतर पक्षले भने यसलाई पार्टी विभाजन नभई ‘एकताको अभियान’ को रूपमा व्याख्या गरेको छ।