प्रदिप पौडेल

प्रमुख प्रतिपक्षी दल नेपाली कांग्रेसभित्र संस्थापनइतर समूहले काठमाडौंको अनामनगरमा छुट्टै सम्पर्क कार्यालय स्थापना गरी राजनीतिक तथा संगठनात्मक गतिविधि औपचारिक रूपमा सुरु गरेको छ। यस कदमलाई पार्टी विभाजनको डिलमा पुगेको र समानान्तर शक्ति केन्द्र निर्माणको प्रारम्भिक संकेतका रूपमा हेरिएको छ। संस्थापनइतर पक्षले भने यसलाई पार्टी विभाजन नभई ‘एकताको अभियान’ को रूपमा व्याख्या गरेको छ।