चाँगुनारायण नगरपालिका

संस्कृति, पर्यटन तथा नागरिक उड्डयनमन्त्री खडकराज पौडेलले मुलुकका समस्या समाधानमा पर्यटन उद्योगले योगदान दिन सक्नेगरी नीति बनाउनुपर्ने बताएका छन्। प्रतिनिधिसभाको बैठकमा ‘पर्यटन विधेयक, २०८३ माथि विचार गरियोस्’ भन्ने प्रस्तावमाथिको छलफलमा बोल्दै मन्त्री पौडेलले पर्यटनलाई प्रकृति र संस्कृतिसँग जोडेर लैजानुपर्ने र यसको व्यवस्थापकीय क्षमतालाई कानुनले नियमन गरी पर्यटकीय गतिविधिको लाभ समाजले पाउनुपर्नेमा जोड दिए।

चाँगुनारायण नगरपालिका–९ ले यही जेठ १६ गते ‘परम्परागत खुला बाँसुरी बाजा प्रतियोगिता–२०८३’ आयोजना गर्ने भएको छ। स्थानीय मौलिक कला, संस्कृति तथा परम्परागत साङ्गीतिक सम्पदाको संरक्षण, संवर्द्धन र पुस्तान्तरण गर्ने उद्देश्यले यो प्रतियोगिता आयोजना गर्न लागिएको हो। प्रतियोगितामा उत्कृष्ट प्रदर्शन गर्ने टोलीलाई नगद पुरस्कार र ट्रफी प्रदान गरिनेछ।