टुँडिखेल

काठमाडौं महानगरपालिकाले टुँडिखेलको सैनिक मञ्च दक्षिणतर्फको ६१ हजार २ सय ६३ वर्गमिटर क्षेत्रलाई हरियाली र व्यवस्थित सार्वजनिक स्थलका रूपमा विकास गर्ने काम तीव्र पारेको छ। यस परियोजनाअन्तर्गत घाँसे मैदान निर्माण, दुबो रोपण, बोरिङ निर्माण, पानी व्यवस्थापन र वर्षा पानी पुनर्भरणका लागि ‘वाटर रिचार्ज पिट’ निर्माण गरिनेछ। महानगरपालिकाले यस क्षेत्रमा कुनै स्थायी संरचना नबनाउने र सर्वसाधारणलाई आराम, व्यायाम, खेलकुद तथा सार्वजनिक कार्यक्रमका लागि सहज वातावरण उपलब्ध गराउने उद्देश्य राखेको छ।