डिजिटल लुम्बिनी

लुम्बिनी प्रदेश सरकारले आगामी आर्थिक वर्ष २०८३/०८४ का लागि सूचना प्रविधि र डिजिटल रूपान्तरणलाई प्राथमिकता दिने नीति तथा कार्यक्रम सार्वजनिक गरेको छ। प्रदेश प्रमुख कृष्णबहादुर घर्तीमगरले प्रस्तुत गरेको नीतिमा सरकारी सेवालाई प्रविधिमैत्री, छिटोछरितो र पारदर्शी बनाउन ‘डिजिटल लुम्बिनी’ अभियानलाई रूपान्तरणकारी कार्यक्रमको रूपमा सञ्चालन गर्ने घोषणा गरिएको छ। यसका साथै, युवाहरूमा आर्टिफिसियल इन्टेलिजेन्स (एआई)को ज्ञान र सीप विकास गरी उद्यमशीलता र रोजगारी अभिवृद्धि गर्ने नयाँ योजना अघि सारिएको छ।