थारू समुदाय

लुम्बिनी प्रदेश सभामा 'थारू समुदायका प्रथाजनित परम्पराको संरक्षण तथा प्रवर्द्धन गर्ने सम्बन्धमा व्यवस्था गर्न बनेको विधेयक, २०८३' पेस गरिएको छ। सामाजिक विकास मन्त्री जन्मजय तिमिल्सिनाले उक्त विधेयक सभा समक्ष प्रस्तुत गरेका हुन्। यस विधेयकले प्रदेशमा थारू समुदायको उल्लेख्य बसोबास रहेको र उनीहरूको आदिमकालदेखि प्रचलनमा रहेका सामूहिक प्रथाजनित अभ्यासहरूको संरक्षण, अभिलेखीकरण, प्रवर्द्धन र पुस्तान्तरणका लागि कानुनी व्यवस्था गर्ने लक्ष्य राखेको छ।