निश्चल लिम्बु

प्रहरीले सुनसरी र उदयपुरका विभिन्न स्थानबाट लागूऔषधसहित ७ जनालाई पक्राउ गरेको छ। सुनसरीको धरान र बराहक्षेत्र तथा उदयपुरको बेलका नगरपालिकाबाट लागूऔषध ट्रामाडोल, स्पास र ब्राउन सुगर बरामद गरिएको छ। पक्राउ परेका सबैमाथि थप अनुसन्धान भइरहेको प्रहरीले जनाएको छ।

देशका विभिन्न स्थानबाट प्रहरीले लागूऔषधसहित तीन जनालाई पक्राउ गरेको छ। कास्कीको पोखरा र सुनसरीको धरानबाट नियन्त्रित लागूऔषध ट्याब्लेटसहित उनीहरूलाई पक्राउ गरिएको हो। यस सम्बन्धमा प्रहरीले आवश्यक अनुसन्धान गरिरहेको जनाएको छ।