प्रहरी

बाँकेका प्रेम थारूविरुद्ध चोरीबाट कमाएको ६ करोडभन्दा बढी सम्पत्ति शुद्धीकरणको मुद्दा काठमाडौं जिल्ला अदालतमा दायर गरिएको छ । यसैबीच, अवैध भेपको कारोबारमा संलग्न नविन खड्कालाई प्रहरीले नियन्त्रणमा लिएको छ भने वीरगञ्जका मेयर राजेशमान सिंहविरुद्ध लिखतसम्बन्धी कसुरमा पक्राउ पुर्जी जारी भएको छ ।

प्रहरीले सुनसरी र उदयपुरका विभिन्न स्थानबाट लागूऔषधसहित ७ जनालाई पक्राउ गरेको छ। सुनसरीको धरान र बराहक्षेत्र तथा उदयपुरको बेलका नगरपालिकाबाट लागूऔषध ट्रामाडोल, स्पास र ब्राउन सुगर बरामद गरिएको छ। पक्राउ परेका सबैमाथि थप अनुसन्धान भइरहेको प्रहरीले जनाएको छ।

पूर्व गृहमन्त्री सुदन गुरुङले आफूविरुद्ध केही सञ्चार माध्यमले भ्रामक समाचार सम्प्रेषण गरेको भन्दै प्रेस काउन्सिल नेपालमा उजुरी दर्ता गरेका छन्। भोटेकोशी होटेल रिसोर्ट एण्ड स्पा लिमिटेडले भने विज्ञप्ति जारी गर्दै प्रहरीको सामान्य सोधपुछ प्रक्रियालाई अतिरञ्जित पारिएको र तथ्यहीन सामग्री प्रकाशन-प्रसारण गरिएको दाबी गरेको छ। रिसोर्टले यस्ता कार्य नरोकिए कानुनी उपचारमा जाने चेतावनी दिएको छ।

रसुवाको उत्तरगया गाउँपालिका-५ बेत्रावती बजारस्थित पासाङल्हामु सडकखण्डमा प्रहरीले ४३ हजार अमेरिकी डलरसहित धादिङका सुशील गुरुङलाई पक्राउ गरेको छ। काठमाडौंबाट टिमुरेतर्फ जाँदै गरेको यात्रुवाहक बसमा जाँच गर्ने क्रममा गुरुङको साथबाट उक्त रकम बरामद गरिएको थियो। पक्राउ परेका गुरुङलाई थप अनुसन्धानका लागि राजस्व अनुसन्धान विभाग पठाइएको छ।

नेपाल प्रहरीले गत वैशाख महिनामा देशभरबाट लागूऔषध कारोबारमा संलग्न एक हजार ५६ जना व्यक्ति र विभिन्न मुद्दाका दुई हजार ३१९ जना फरार प्रतिवादीलाई पक्राउ गरेको छ। यस अवधिमा प्रहरीले ठूलो परिमाणमा लागूऔषध पनि बरामद गरेको छ।

प्रधानमन्त्री बालेन्द्र साह (बालेन) नेतृत्वको सरकारले दीर्घकालीन प्रक्रियाभन्दा 'छोटो बाटो' अपनाएर तत्काल परिणाम निकाल्ने गरी काम गरिरहेको छ। यस कार्यशैलीमाथि लोकतान्त्रिक पद्धतिको उल्लंघन र तानाशाही शासनको डर पैदा गरेको भन्दै गम्भीर प्रश्न उठाइएको छ। हतारमा काम गर्ने क्रममा सेना र प्रहरी परिचालन गरी बस्ती हटाउने तथा अध्यादेशमार्फत शक्ति केन्द्रीकरण गर्ने प्रयास गरिएको छ।

वैदेशिक रोजगारीमा विभिन्न देश पठाइदिन्छु भन्दै आकर्षक तलबको प्रलोभनमा पारी रकम ठगी गरेको अभियोगमा प्रहरीले पाँच जनालाई पक्राउ गरेको छ। पक्राउ परेकाहरूले सिङ्गापुर, मकाउ, स्पेन, पोल्याण्ड र पोर्चुगल पठाइदिने भन्दै पीडितहरूसँग करोडौं रुपैयाँ ठगी गरेको प्रारम्भिक अनुसन्धानबाट खुलेको छ। उनीहरूलाई थप अनुसन्धान तथा कारबाहीका लागि वैदेशिक रोजगार विभाग पठाइएको छ।

प्रहरीले गत वैशाख महिनाभर देशैभर विशेष अभियान चलाएर विभिन्न मुद्दाका २,३१९ जना फरार प्रतिवादीलाई पक्राउ गरेको छ। यस अवधिमा उनीहरूबाट ८२५ वर्षभन्दा बढीको कैद सजाय कार्यान्वयन गरिएको छ भने २१ करोड ५३ लाखभन्दा बढी जरिवाना असुल गरिएको छ।

प्रहरीले देशका विभिन्न स्थानबाट लागूऔषधसहित १७ जनालाई नियन्त्रणमा लिएको छ। यसैगरी, त्रिभुवन अन्तर्राष्ट्रिय विमानस्थलबाट ३७ थान राहदानीसहित अजित श्रेष्ठलाई नियन्त्रणमा लिइएको छ।

प्रहरीले काठमाडौं, उदयपुर, सप्तरी र झापाका विभिन्न स्थानबाट लागूऔषधसहित पाँचजनालाई पक्राउ गरेको छ। पक्राउ पर्नेहरूमा प्रकाश दर्जी, लिलादेवी राम, अस्मिता राम, विजयकुमार यादव र चन्द्रबहादुर पौडेल रहेका छन्। उनीहरूबाट ट्रामाडोल, गाँजा र ब्राउनसुगर जस्तो देखिने पदार्थ बरामद भएको छ।