नेपाल एसोसिएसन फर सफ्टवेयर एन्ड आइटी सर्भिसेज कम्पनीज

नेपाल एसोसिएसन फर सफ्टवेयर एन्ड आईटी सर्भिसेज कम्पनीज (नास-आईटी) ले उद्योगको मागअनुसार दक्ष जनशक्ति उत्पादन गर्ने लक्ष्यसहित स्नातक तहको नयाँ सूचना प्रविधि (आईटी) पाठ्यक्रम तयार गर्न थालेको छ। स्वीस एजेन्सी फर डेभलपमेन्ट एण्ड कोअपरेसन (एसडिसी) र स्वीसकन्ट्याक्टको सहयोगमा नेपाल खुला विश्वविद्यालयसँगको सहकार्यमा यो पाठ्यक्रम निर्माण प्रक्रिया अघि बढेको हो। यसले विद्यार्थीमा व्यावहारिक सीप र क्षमता विकास गरी 'स्किल ग्याप' हटाउने अपेक्षा गरिएको छ।

अमेरिकाको डलासस्थित एम्बेसी सुइट्स बाई हिल्टन ग्रेपभाइनमा सम्पन्न ‘नेपाल टेक रोडशो यूएसए २०२६’ ले नेपालको बढ्दो प्रविधि उद्योग र विश्वव्यापी प्रतिस्पर्धात्मक क्षमतामाथि अन्तर्राष्ट्रिय चासो बढाएको छ। नेपाल एसोसिएसन फर सफ्टवेयर एन्ड आईटी सर्भिस कम्पनीज (NAS-IT) र नेप्लिज अमेरिकन च्याम्बर अफ कमर्सको सहकार्यमा आयोजित यस कार्यक्रमको उद्देश्य नेपाललाई उदीयमान प्रविधि गन्तव्यका रूपमा स्थापित गर्नु थियो। कार्यक्रममा नेपाल र अमेरिकाका प्रविधि उद्यमी, लगानीकर्ता, व्यवसायी, नीति निर्माता तथा डायस्पोरा प्रोफेसनलहरूको उल्लेख्य सहभागिता थियो।