बिनीत शर्मा

नेपाल पोलिसी इन्स्टिच्युट (एनपीआई) द्वारा आयोजित नीति संवादमा सहभागी विज्ञहरूले गैरआवासीय नेपाली ऐन, २०६४ को सामान्य संशोधनभन्दा अघि बढेर विदेशस्थित नेपालीहरूसँगको सम्बन्धलाई दीर्घकालीन र राष्ट्रिय हितसँग जोड्ने ‘विदेशस्थित नेपाली ऐन’ आवश्यक रहेको निष्कर्ष निकालेका छन्। उनीहरूले विदेशमा रहेका नेपालीहरूलाई नेपालको विस्तारित राष्ट्रिय सम्पत्तिका रूपमा हेर्नुपर्ने र यसका लागि विश्वास, आर्थिक आत्मविश्वास, ज्ञान हस्तान्तरण, नयाँ पुस्तासँगको सम्बन्ध र नेपालको विश्वव्यापी पहुँचलाई आधार मान्नुपर्ने सुझाव दिएका छन्।