बुटवल पावर कम्पनी

झिमरुक जलविद्युत् आयोजनाको पावर हाउसमा जडान गरिएको ट्रान्सफर्मरमा प्राविधिक समस्या देखिएपछि प्युठान, रोल्पा र अर्घाखाँचीका विभिन्न क्षेत्रमा विद्युत् आपूर्ति अवरुद्ध भएको छ। आइतबार रातिदेखि सेवा बन्द हुँदा स्थानीय उपभोक्ता तीन दिनयता प्रभावित बनेका छन्। बुटवल पावर कम्पनी लिमिटेडका अनुसार १५ मेगाभोल्ट एम्पियर क्षमताको ट्रान्सफर्मरमा समस्या आएपछि उत्पादन तथा वितरण प्रणाली रोकिएको हो।