भीष्मराज आङ्देम्बे

प्रमुख प्रतिपक्षी नेपाली कांग्रेसले सरकारले राजनीतिक भागबण्डाका आधारमा केही संवेदनशील निकायका पदाधिकारीहरूलाई बर्खास्त गरी भ्याकुम बनाएको आरोप लगाएको छ। कांग्रेसका संसदीय दलका नेता भीष्मराज आङ्देम्बेले सत्य निरूपण तथा मेलमिलाप आयोग र बेपत्ता पारिएका व्यक्तिको छानबिन आयोगजस्ता निकायमा नयाँ नियुक्ति गर्नुअघि कानुनी कमजोरीहरू सुधार्न ऐनको चौथो संशोधन आवश्यक रहेको बताएका छन्।

प्रमुख प्रतिपक्षी दलका नेता भीष्मराज आङ्देम्बेले सत्य निरूपण तथा मेलमिलाप आयोग र बेपत्ता पारिएका व्यक्तिहरूको छानबिन आयोगमा छिटो पदाधिकारी नियुक्त गर्न माग गरेका छन्। उनले पदाधिकारी हटाउँदा शान्ति प्रक्रियाका बाँकी कामलाई किनारा लगाउन ढिला हुने र द्वन्द्वपीडितहरू न्याय पाउनबाट वञ्चित हुने बताएका छन्।