मण्डनदेउपुर नगरपालिका

काभ्रेपलाञ्चोकको मण्डनदेउपुर नगरपालिकाले सार्वजनिक खरिद, बेरुजु फर्छ्यौट, सुशासन तथा अनुसन्धान सम्बन्धी तीन दिने तालिम कार्यक्रम सुरु गरेको छ। नगर प्रमुख टोक बहादुर वाइबा र उप-प्रमुख विष्णुमणी नेपालले संयुक्त रूपमा उद्घाटन गरेको उक्त कार्यक्रममा वित्तीय व्यवस्थापन, खरिद प्रणाली र सेवा प्रवाहलाई प्रभावकारी बनाउने विषयमा जोड दिइएको छ।

कृषि विकास बैंकले संस्थागत सामाजिक उत्तरदायित्व कार्यक्रम अन्तर्गत मण्डनदेउपुर नगरपालिका वडा नं. ८ मा रहेको डेडी थुम्का माध्यमिक विद्यालयका २३२ विद्यार्थीलाई स्कुल ब्याग वितरण गरेको छ। बैंकका सञ्चालक विनोद कुमार गुरागाईंले गरिब तथा जेहेन्दार विद्यार्थीहरूलाई शैक्षिक सामग्री हस्तान्तरण गर्न पाउँदा बैंक गौरवान्वित भएको बताए।