युएनएचसिआर

नेपालमा करिब ३५ वर्षदेखि शरणार्थी जीवन बिताइरहेका भुटानी शरणार्थीहरूले नेपालमै स्थायी बसोबास र पूर्ण कानुनी अधिकार सुनिश्चित गर्न माग गर्दै झापाको बेलडाँगी शिविरमा हस्ताक्षर अभियान सुरु गरेका छन्। उनीहरूले 'शरणार्थी'को अस्थायी अवस्थाबाट बाहिर निस्कँदै नेपालमै कानुनी मान्यतासहित स्थायी बसोबासको व्यवस्था गर्न आग्रह गरेका छन्। भुटान फर्किने सम्भावना न्यून र तेस्रो देश पुनर्स्थापना कार्यक्रम बन्द भएपछि स्थानीय एकीकरणलाई उनीहरूले व्यावहारिक विकल्प मानेका छन्।